LAYİHƏ

Azərbaycan Respublikası Təhsil Nazirliyi
Təhsildə İnkişaf və İnnovasiyalar üzrə 2-ci qrant müsabiqəsi

“Çağırışaqədərki hazırlıq  müəlliminə mentor  dəstəyi”  layihəsi    

Layihənin məqsədi

Layihənin məqsədi Sumqayıt şəhərinin ÇH  müəllimlərinə müasir təhsilin və cəmiyyətin tələbləri ilə uyğunlaşması üçün  geniş spektrli pedaqoji  mentor dəstəyinin təmin edilməsidir.

Layihənin vəzifələri

Layihənin vəzifəsi Sumqayıt şəhərinin ÇH  müəllimlərinə

-ÇH fənni üzrə zəruri sənədlər üzrə metodik vəsaiti hazırlamaq;

-ÇH mentor saytı dəstəyini təmin etmək;

-Qabaqcıl təlim-tədris  təcrübələri bölüşmək və yaymaq ;

-Yeni təhsil proqramı təlimləri;

- Peşəkar ixtisasartırma təlimləri;

- İKT-nin təlimdə səmərəli tətbiqi təlimləri təşkil etməklə mentor dəstəyi təqdim etməkdir;

-ÇH müəllimlərinin təlim–tədris prosesini müasir tələblərə uyğun qurması ilə təhsilalanların fənnə qarşı marağının yüksəldilməsinə nail olmaq;

-ÇH  müəllimlərinin nüfuzunun artmasına nail olmaqdır.

Gözlənilən nəticələr 

-Çağırışaqədərki hazırlığın tədrisi üzrə peşəkarlıq səviyəsinin artırılması;

-Yeni təlim proqramı (kurikulum) tələblərinə uyğun müasir fəal və interaktiv dərslərin keçirilməsinə nail olma

-İKT vasitələrindən səriştəli istifadə, e-resursların dərs prosesində səmərəli istifadəsi;

-Keçirilən şagirdlər üçün tədbir, viktorina və  müəllim müsabiqəsi vasitəsilə fənnə qarşı marağın artırılması

-Çağırışaqədərki hazırlıq fənni üzrə qabaqcıl  pedaqoji təcrübələrin yayılması;

-Sumqayıt şəhərinin Çağırışaqədərki hazırlıq müəllimləri arasında peşəkar pedaqoq münasibətlərinin nizamlanması;

-Çağırışaqədərki hazırlıq müəllimlərinin pedaqoji nüfuzunun artırılması ilə fənnə qarşı marağın artması gözlənilir.

X-XI Sinif Fənlər üzrə Əsas və Alt Standartlar

ÇAĞIRIŞAQƏDƏRKİ HAZIRLIQ

X sinif

Х sinfin sonunda şagird: 

Azərbaycan Silahlı Qüvvələrinin yaranması, inkişafı, dövlət və hərbi· atributları, Azərbaycan Silahlı Qüvvələri və başqa silahlı birləşmələr barədə bilikləri, Azərbaycan Respublikası Konstitusiyası və digər qanunvericilik aktlarının hərbi xidmətə aid müddəalarını şərh edir; 13  daxili xidmət, qarnizon və qaravul xidməti, sıra və intizam· nizamnamələrinin ümumi müddəalarını şərh edir;  müasir ümumqoşun döyüşü, döyüşün növləri, motoatıcı manqanın təşkili,· döyüş imkanları, atıcı silahlar və əl qumbaralarının təyinatını, onların taktiki-texniki xassələrini, zirehli döyüş texnikaları haqqında bilikləri və onlardan istifadə qaydalarını şərh edir;  ərazidə xəritəsiz səmtləşmə üsullarını və azimutlarla hərəkəti tətbiq edir;·  fövqəladə hadisələr zamanı mülki müdafiə dair biliklər nümayiş etdirir.·  sağlam həyat tərzinə, bütün növ fövqaladə hadisələr zamanı ilk tibbi yardım· göstərməyə dair bilik və bacarıqlar nümayiş edir.

 Məzmun xətləri üzrə əsas və alt-standartlar

1. Dövlət müdafiəsinin tarixi və hüquqi əsasları

 Şagird:

1.1. Azərbaycan SQ-lərin yaradılması və inkişafı barədə bilik və bacarıqlar nümayiş etdirir.

1.1.1. Dövlət və hərbi atributları tanıyır və onları şərh edir.

1.1.2. Azərbaycan Silahlı Qüvvələri və başqa silahlı birləşmələr barədə təqdimat edir.

1.2. Vətənin müdafiəsində vətəndaşın vəzifələri barədə biliklər nümayiş etdirir.

1.2.1. Azərbaycan Res. Konstitusiyası və digər qanunvericilik aktlarının hərbi xidmətə aid müddəalarını şərh edir.

 1.3.SQ-lərin ümumqoşun nizamnamələri tələblərinin tətbiqi və icrası üzrə bilik və bacarıqlar nümayiş etdirir.

 1.3.1. Sıra və intizam nizamnamələrinin ümumi müddəalarını şərh edir.

1.3.2. Daxili Xidmət, qarnizon və qaravul xidməti nizamnamələrinin ümumi müddəalarını şərh edir.

2. Həyat fəaliyətinin təhlükəsizliyinin təminatı.

Şagird:

2.1. Müasir ümumqoşun döyüşü üzrə bilik və bacarıqlar nümayiş etdirir.

2.1.1. Müasir ümumqoşun döyüş və döyüş təminatı növlərini izah edir.

2.1.2. Motoatıcı manqanın təşkili və döyüş imkanları haqqında biliyini şərh edir.

2.2. Müasir döyüş vasitələri üzrə biliklərini nümayiş etdirir.

2.2.1. Atıcı silahların və əl qumbaralarının taktiki-texniki xassələri barədə təqdimat edir.

2.2.2. Manqanın mövqeyinin mühəndis təminatı üzrə biliklər nümayiş etdrir.

2.2.3. Zirehli döyüş texnikaları haqqında biliklərini şərh edir.

2.3. Topoqrafiya üzrə bacarıqlar nümayiş etdirir.

2.3.1. Ərazidə xəritəsiz səmtləşmə üsullarını və azimutla hərəkəti tətbiq edir.

2.4. Fövqəladə hadisələr zamanı mülki müdafiəyə dair biliklər nümayiş etdirir.

2.4.1. Fövqəladə hadisələri təsnif edir.

2.4.2. Təbii fəlakətlər haqqında biliklərini şərh edir.

2.4.3. Kütləvi qırğın silahları və onların dağıdıcı vasitələri haqqında biliklərini şərh edir.

2.5. Mühafizə vasitələrindən istifadə edir.

 2.5.1. Fərdi mühafizə vasitələri haqqında biliklərini şərh edir.

 2.5.2. Kollektiv mühafizə vasitələri haqqında biliklərini nümayiş etdirir.

3. Tibbi biliklər və ilk tibbi yardım qaydaları

Şagird:

3.1. Sağlam həyat tərzi üzrə biliklər nümayiş etdirir.

3.1.1. Sağlam həyat tərzini təşkil edən amillər haqqında biliklərini nümayiş etdirir.

3.2. İlk tibbi yardımın göstərilməsinə dair bilik və bacarıqlar nümayiş etdirir.

3.2.1. Yaralanma və bədbəxt hadisə zamanı zərərçəkənlərə ilk tibbi yardım göstərir.

3.2.2. Radioaktiv və kimyəvi maddələrdən zədələnmələr zamanı ilk tibbi yardım göstərir.

 3.2.3. Bioloji vasitələrdən, yoluxucu xəstəliklərdən mühafizə qaydalarına əməl edir.